Hvað á að byggja í miðbænum eftir brunann?

Ég settist niður í gær og fór að hugsa hvað hægt væri að gera eftir að hafa skoðað brunarústirnar niður í miðbæ deginum áður. Verið var að girða svæðið af á fullu og datt mér fyrst í huga að ekki veitti að því að skreyta aðeins útlitið á veggnum sem verið var að reisa í kringum svæðið.

Því ekki að byggja flott glerhús með baklýsingu sem væri einstakt í veröldinni upp á nokkrar hæðir og þekja útveggi 100% með slíkum myndum en svona hús baklýst að kvöldi myndi eflaust vekja mikla athygli á dimmum vetrarmánuðum :)

En í dag eru til gluggafilmur sem sést vel út um og því óþarfi að hafa sýnilega glugga á slíku húsi.

1) Hreinsa allt í burtu og flytja upp í Árbæjarsafn og endurbyggja.

2) Byggja hús algjörlega úr gleri á 1 hæð
og þá með opnu útisvæði ofan á toppnum með kaffihúsaaðstöðu m.m.

Hús úr gleri á 1 hæð
Stór mynd má skoða hér hér

eða …

3) Byggja hús algjörlega úr gleri á 2 hæðum
og þá með opnu útisvæði ofan á toppnum

Hús úr gleri á 2 hæðum
Stór mynd má skoða hér hér

Húsið yrði klætt með baklýstum 360° ljósmyndum úr íslensku landslagi. Sem myndi að sjálfsögðu lýsa fallega upp skammdegið og vekja mikla athygli.

Starfsemi: Alhliða upplýsingar fyrir ferðamenn, kaffihús, samkomuaðstaða og bókunarmiðstöð.

Í Húsinu yrðu nokkur herbergi með 360°hringmyndum sem yrði líka baklýst og væri þá t.d. hægt að labba inn í mismunandi rými með mismunandi þema. T.d. Íshellir, hraunhellir, jökulsárlón, eldgos, hverasvæði, foss eða önnur flott svæði á íslandi.

Hægt væri að fá upplýsingar á tölvuskjáum eða hlusta á hljóðupplýsingar á mismunandi tungumálum.

Þetta hús er það sérstakt að eftir því yrði tekið – enda annað eins ekki sést áður :)

Kjartan
www.photo.is

p.s.
Þar sem reikna má með að um 3-500 þús. ferðamenn muni eiga leið um miðbæinn í sumar, þá er mikilvægt að ásýnd miðbæjarins sé smekkleg og ekki verra ef það er eitthvað fallegt sem gleður augað. En fljótlegt er að klæða núverandi svæði af með slíkri mynd.

Hægt er að skoða útfærslu á baklýstri risamynd 16m x 2.35m í nýja sýningarsalnum í Bílabúð Benna hér (3 myndir)

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>