Fjóla G Þorvaldsdóttir minningargrein

Fjóla Guðrún Þorvaldsdóttir
Faxaskjóli 24
107 Reykjavík

    Fædd 01.11.31 Dáin 27.01.07 Jörðuð 06.02.07

7.4.2003 Fjóla og Siggi á góðri stundu

Jæja Fjóla mín, þá ertu farin eftir hetjulega baráttu við erfiðan sjúkdóm.

Lengi má manninn reyna og hver segir að lífið eigi að vera dans á rósum. Óhætt er að segja að þú hefur átt fjölbreytt líf og víða komið við á þinni löngu og viðburðaríku æfi.

Þú giftist ung Inga Þorsteinssyni og saman genguð þið í gegnum súrt og sætt og reynduð meira en venjulegt fólk þarf að gera á sinni ævi

Ég fann á þeim mörgu samtölum sem við áttum að þar var lífsreynd kona á ferð sem vildi öllum vel og var með einstaklega fallegt og gott hjartalag. Þú dæmdir aldrei neinn og sást alltaf það góða í öllu, sama hvað á gekk.

Milli þín og minna barna myndaðist sterk vinátta og var gaman að fylgjast með hvað þú náðir góðu sambandi við þau öll. Við munum koma til með að minnast og sakna þín í komandi framtíð. Ekki er að efa að þau hafi lært mikið af því að kynnast svona einstakri konu eins og þér. Sú viska og reynsla mun verða þeim gott vegarnesti inn í komandi framtíð.

Í lokin vil ég láta fylgja fallegt kvæði Einars Benediktssonar og mun ég ávallt hafa hjartahlýju og fallegt bros þitt í minningunni minni

    Eitt bros getur dimmu í dagsljós breytt,
    sem dropi breytir veig heillar skálar.
    Þel getur snúist við atorð eitt.
    Aðgát skal höfð í nærveru sálar.
    Svo oft leyndist strengur í brjósti,sem brast
    við biturt andsvar, gefið án saka.
    Hve iðrar margt líf eitt augnakast,
    sem aldrei verður tekið til baka.

En takk fyrir það sem þú hefur gert fyrr okkur og vottum fjölskyldu þinni dýpstu samúð.

    Kjartan P. Sigurðsson

One thought on “Fjóla G Þorvaldsdóttir minningargrein

  1. Thor Ingason

    Sæll Kjartan minn, og þakka þér fyrir að skrifa þessu fallegu orð um mömmu. Vinsamlega ath. það var laugardag 27-01-2007 sem Fjóla dó í örmun mínum… Ég setti upp smá vefsíðu á ensku fyrir þá sem eru erlendis, og er að þýða hana með hjálp Elínar í miningar greinina mína.

    http://www.heimsnet.is/thestone/fjola/

    Kveðja,
    Thor

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>