HOME • HEIM       SEARCH • LEIT       NEWS • FRÉTTIR       GUESTBOOK • GESTABÓK       CALENDAR • DAGATAL

Nýjar tölur um meðlimafjölda í trúfélögum 2005

Hér er hægt að ræða og skiptast á upplýsingum um allt sem viðkemur leiðsögustarfi á íslandi • Here we can discuss all about guiding in Iceland and abroad

Nýjar tölur um meðlimafjölda í trúfélögum 2005

Postby admin » Fri Nov 30, 2007 5:44

Mannfjöldi 1. desember 2005 eftir trúfélögum og sóknum

Hér er samantekt á nýjustu tölur hjá Hagstofu Íslands um mannfjölda eftir trúfélögum og sóknum.

Sóknarbörnum í þjóðkirkjunni fækkað stöðugt hlutfallslega. Hinn 1. desember 2005 voru 84,1% landsmanna skráðir í þjóðkirkjuna en fyrir áratug var þetta hlutfall 91,5%. Á sama tíma hækkaði hlutfall íbúa í fríkirkjusöfnuðunum þremur - Fríkirkjunni í Reykjavík, Óháða söfnuðinum og Fríkirkjunni í Hafnarfirði - úr 3,3% í 4,6%.

Skráðum trúfélögum hefur fjölgað talsvert á undanförnum árum; skráð trúfélög utan þjóðkirkju og fríkirkjusafnaða eru nú 23 en voru 14 fyrir 10 árum. Þessum trúfélögum tilheyra 4,6% íbúa, samanborið við 2,7% árið 1995. Kaþólska kirkjan er þeirra fjölmennust en þar hefur meðlimum fjölgað um meira en helming frá árinu 1995, úr 2.553 í 6.451. Árið 2005 tilheyrðu því 2,2% þjóðarinnar kaþólsku kirkjunni samanborið við 1% árið 1995. Hvítasunnusöfnuðurinn er næst stærsta trúfélagið utan þjóðkirkju og fríkirkjusafnaða. Þar eru meðlimir nú 1.854 samanborið við 1.148 árið 1995 (0,6% þjóðarinnar 2005, samanborið við 0,4% árið 1995). Önnur trúfélög hafa innan við 1.000 meðlimi og í engu þeirra er hlutfall meðlima yfir 0,3% af íbúafjölda.

Til óskráðra trúfélaga og með ótilgreind trúarbrögð heyrðu 3,9% þjóðarinnar samanborið við 1% árið 1995. Utan trúfélaga voru 2,5% samanborið við 1,5% árið 1995.
User avatar
admin
Site Admin
 
Posts: 258
Joined: Thu Dec 07, 2006 13:05
Location: Reykjavík • Reykjavik Iceland

Return to Guiding in Iceland • Leiðsögustarfið

Who is online

Users browsing this forum: No registered users and 1 guest

cron