HOME • HEIM       SEARCH • LEIT       NEWS • FRÉTTIR       GUESTBOOK • GESTABÓK       CALENDAR • DAGATAL

Goðsagnir um hjónaskilnaði

Hér er hægt að ræða og skiptast skemmtilegum og óvenjulegum sögum, uppákomum, bröndurum og fl. í þeim dúr • Here we can discuss all kind of funny and stranges things ...

Goðsagnir um hjónaskilnaði

Postby admin » Thu May 24, 2007 13:44

Goðsagnir um hjónaskilnaði

Eftirfarandi upplýsingar hef ég frá Bandaríkjunum.
    1.
    Fólk lærir af mistökum. Því eru seinni hjónabönd líkleg til að ganga betur en þau fyrstu.
    Þótt auðvitað sé þetta til í dæminu þá segir tölfræðin okkur annað. Skilnaðartíðni fólks í seinna hjónabandi er hærri en í því fyrsta.
    2.
    Með því að búa saman áður minnkarðu líkurnar á skilnaði síðar.
    Svo er ekki, að minnsta kosti ekki í Bandaríkjunum. Tímasprengjan virðist byrja að tifa um leið og fólk byrjar að búa saman þótt sambúð sé auðvitað góð leið til að kynnast hinum innri manni.
    3.
    Skilnaður eru vissulega sársaukafullir fyrir börn, en þau eru fljót að jafna sig.
    Þvert á móti hafa rannsóknir sýnt að skilnaðir sitja í börnum og hafa mælanleg áhrif á hegðun þeirra á fullorðnisárum.
    4.
    Að eignast barn bætir hjónabandið og minnkar þannig líkur á skilnaði.
    Tíminn eftir að fyrsta barnið fæðist reynir mjög á hjónabandið. Einnig er ekki sjálfgefið að fólk geti eignast barn saman. Það kallar oft á skilnað.
    5.
    Skilnaður hefur neikvæð áhrif á lífsgæði kvenna en jákvæð á lífsgæði karla.
    Þetta er reyndar rétt, ef eingöngu er litið til efnahagslegra gæða. Tölurnar tala þar sínu máli. En á móti kemur að þegar fólk velur skilnað, þá er það vegna þess að það telur þann kost skárri.
    6.
    Þegar foreldrar rífast mikið þá er skilnaður betri kostur, barnanna vegna.
    Þetta er hálfsannleikur og þar með jafnframt hálf lygi. Ósamkomulag foreldra hefur vissulega slæm áhrif á börn en ósamkomulagið magnast oft enn meira við skilnaðinn.
    7.
    Börn sem upplifðu skilnað eru líklegri til að velja maka sína af kostgæfni.
    Enn segja tölurnar okkur annað. Skilnaðartíðnin er hærri hjá fólki, hvers foreldrar skildu.
    8.
    Vegna þess hve dýrmætt það er fyrir börn að alast upp í fjölskyldu þá er betra fyrir þau að eiga stjúpforeldri, en að alast upp hjá einstæðu foreldri.
    Stjúpfjölskyldumynstrinu fylgja að meðaltali betri efnahagsleg lífskjör. En því fylgja jafnframt önnur samskiptaleg vandamál sem magna hættuna á upplausn.
    9.
    Erfiðir kaflar í hjónabandi eru fyrirboði skilnaðar.
    Það geta alltaf komið upp erfiðir kaflar. Samkvæmt bandarískri rannsókn lýsti mikill meirihluti fólks, sem upplifði erfiða kafla á einhverjum tímapunkti en skildi ekki, hjónabandi sínu 5 árum síðar þannig að þau væru hamingjusöm eða mjög hamingjusöm.
    10.
    Karlar eru líklegri til að halda framhjá og hafa frumkvæði að skilnaði.
    Merkilegt nokk, þá er hvorugt rétt.
User avatar
admin
Site Admin
 
Posts: 258
Joined: Thu Dec 07, 2006 13:05
Location: Reykjavík • Reykjavik Iceland

Return to Funny, strange and weird news • Skemmtilegt og óvenjulegt

Who is online

Users browsing this forum: No registered users and 1 guest

cron